Nis kriv

Nis kriv, nis,

kaj bi bil kriv,

nikog nis vubil,

ni vkral nis,

nikockal se nis,

jedino sem hvalil,

domaju i rada je mel.

Pak mi veliju,

za to si kriv,

i zato me buju sudili,

valda na galge ne.

Deska

Suzu jenu opet sem obrisal,

kaj mi curila niz lice je sama.

Zakaj mi suze curiju, zakaj,

pa ne za to kaj bi bil tak vesel.

Morti bu zutra bolše, tešili su se tak stari naši,

al znam da zutra bu iste tak,

za gitrami i med četirimi zidi.

Deska na kojoj spim,

trda je tak,

kakti da i ona žandar je.

Komaček kruha i juha,

vesele jedino je v gajbi,

jer se je drugo

z one strane vrati ostalo.

V reštu

Teške je moj dečec,

tu, med četiri debela zida,

v reštu, z misli, sam.

Nu, jemput to stati mora

baš kakti i cug,

nemre to iti navek.

V peklu

Jemput je negdo rekel,

da v peklu je mrzlo,

i bormeš, prav je imel,

vu ovemu peklu je zbila tak.

Na potrti oblok,

stare sam cajtu7nge zrival,

da mi snočka ne piha,

al opet mi je bilo zima.

Veter

Vani za gitrami veter,

tak grdo i hudo piha,

da me je prav za prav strah,

da sem pobegel bar,

kad je bilo još cajt,

v gajbi nebi tu sad

kak baba, cmizdril tak.

Zima mi je navek,

denes do kosti,

zagrijati se nemrem,

ni ak na domek mislim,

ni na pucu moju takaj.

V samici

Bolše sam zagledal

tu kamenu luknu malu,

stara su vrata

kakti i hiža

v kojoj je rešt,

i sega su vraga vidla,

a zdaj sam se jeiti stal.

Na zidu su bile kervave,

suhe kaple od kervi,

i zastal sam,

niš se ne čuje,

ni ftić, ni veter,

ni onaj v susednoj lukni.

Čul sam samo jafk moj.